好開心，終於考完試喇~~~~~~~~~~~~~~~~~~~~~
其實星期五考完之後，我第一時間係好想返屋企，訓覺、食野、上網玩、睇電視，好多好多私人野想做，畢竟一整個學年完結，最想就係將d壓力釋放晒出黎；不過，由於annual既quota因為今次考試已經差唔多攞盡，所以下午一定要返工，就係咁，好茫然咁拖住只係訓左個零鐘頭既疲倦身軀返工。
諗返起呢一年好似過得好慢，但係回憶起上年下半年至今年呢幾個月又好似發生左好多野，時間又好似過得好快咁。老實講，唔係馬後砲，好彩我之前幾個月都冇做野，如果唔係我一定唔夠時間溫，之後果四個幾月待業假期，終於俾機會我專心溫書、睇cases、做online research、買statue同埋其他law書(我之前忙到連statue都唔得閒去買)，亦都令我十分享受讀呢一科既樂趣~~~~~~~~ 之前果d offer推左真係一d都唔覺得可惜，只係timing唔夾jet!~~~~~~~
至於呢份工，其實扣埋假期，返左大約三個星期，暫時感覺唔錯，起碼唔使OT、唔使捽數、唔使面對面見客；最緊要其實真係唔使OT lor，以前果d工你準時走都俾人當你好似早退咁……最衰就係半隻腳叉左出閘都叫你「唔准走」…就算你唔係早走，都覺得你未夠七點就走係罪人lor!!!!!!!!!!!連上左車都可以叫你返轉頭講埋d第二日返工都可以講既無謂野，真係黐孖筋!!!!
雖然我對做銀行唔抗拒，不過真係唔鍾意俾人捽，haha，其實我唔係做sales既材料呢~~~~~~~~~ 因為我唔鍾意搲爛塊面叫人買野，d人買就買，唔買就算~ 所有我係一個唔稱職既banking sales，亦都係一個唔鍾意擦人鞋、唔鍾意埋是非精推既低調女仔~~~~~~~~~~~所以之前揀左我一d都唔surprised，當時只係最擔心執漏野咋，我冇擺乜野私人野響果度都要零鐘先執得晒……
諗返起呢兩年幾既工作，其實都真係學到野既，um，只不過係呢種工作唔啱我je~~~~~~~~ 尤其做mortgage真係幾有用，點樣借最划算幾時還最慳息呢d野我都識架，以前成籮mortgage文件密密做，勁同d客吹水，交流下d買樓睇樓心得，睇下市況咁都幾盞架!!!!!~~~我鍾意做mortgage、personal loan多過做基金保險，後者都唔好玩，焗住sell俾人我都唔鍾意，mortgage最怕就係出埋offer letter d麻煩賤客先話簽左第二間，waste左我d心機同埋時間，不過我做果d既drawdown率都唔低架，haha!!!!!!!!!!!!!!!點都好啦，學到既knowledge都係屬於自己，所以而家唔做呢行都冇覺得可惜，因為基本上要識既野好大部分都已經學識晒，總算冇白費呢兩年幾既時間~~~~~~~~~~~~~~~
至於今次呢份工對我黎講係一份感覺唔錯既工，原來個部門只係請一個人，我真係好開心!!!!!!!!!!!!成個process成三個月同埋有好多好多applicants申請(我in果陣都見到好多人)，其實我第一日返工知道呢樣野真係好surprised~~~~~~~~~ 尤其係interviewer係我經理，真係好愕然；再加上，我未做夠一個月都肯俾我請個幾禮拜大假~~~ 所以呢，考完試之後既我一定會做好本分，唔想俾經理認為請錯人~~~~~
呢兩日我不停咁執屋，因為我d書、notes周圍擺，成間房好似打仗咁立立亂，到而家仲有半間房未執好；不過，我有兩個發現，第一係一張christmas card，haha，我要在此多謝Stephanie~~~~~ 你上年平安夜寄俾我d form入面原來夾住左張christmas card我都冇發現tim，真係唔好意思呀~~~~ 唔知你之前有冇奇怪我冇提過張card既事呢﹖ haha，其實我係今日先知道原來你寄左張card俾我，好有心思wor~~ I like it~ thx!!!!!!!!!!!!!!!
至於第二個發現就係一封冇送出既信，um，數數手指都幾年喇，好多回憶tim，頭先都會諗起以前一d野，不過果刻諗得最多既就係點解當年會咁樣，其實都係覺得自己唔夠成熟、唔夠理智，應該咁講，反而慶幸第一封信從冇寄出而第二封信(即係我手頭上果封)從冇送出，否則連我都會鬧自己戇居!!!!! 我唔會再做埋呢d咁傻咁無聊既野，係都唔係佢啦!!!!!!!!做人應該要踏實d，清醒d，唔好咁胡鬧，浪費時間!!!!!!!!!!!!
好啦，開始放暑假，十分十分期待下學年既學科!!!!!!!!!!!!!!!
P.S. 呢幾個月一直都有應承朋友們小妹考完試後定必蒲頭，wah，而家要忙住call friend喇~~~~~~~hehe!!!!!!~~~~~~~
